Tulad ng ibang platform sa social media, malapit na ring magkaroon ng audio at video call ang X na pag-aari ng bilyonaryong si Elon Musk.
Sa katunayan, ipinagyabang na ni Musk sa isang post na bahagi ito ng kanilang plano na gawin ang X bilang isang ‘everything app’. “Video & audio calls coming to X,” ani Musk sa kanyang post.
Gayunman, hindi tinukoy ni Musk kung kailan magiging available ang mga bagong feature.
Ani Musk, hindi kailangan ang numero para sa audio at video call na gagana sa iOS, Android, Mac at PC system.
